ఈ భూమి మీద పుట్టిన ప్రతి జీవరాశి నిత్యం చేసుకొనే పాప కర్మలు బట్టి నిత్య అధ్యాత్మిక జీవన విధానం ముడిపడి వుంటుంది. అందులో నుండి వచ్చినవే యోగం,భోగం. ఈ రెండు లేకపోతే మనిషికి మనుగడ లేదు. మనకు ఉన్నదాని లో సంతృప్తి గా జీవన విధానం సాగిస్తూ ఉండడం యోగం. భోగం అనేది మనము చేసే దిన ప్రక్రియలని బట్టి ఆధార పడి ఉంటాయి .. ఎవరికీ ఏ సహాయం చేయాలి అన్నది … మనకు ఎందుకు లే అనుకున్నవి .. ఈ నిర్ణయాలు మనకు తెలిపేదే ఆ పరమేశ్వరుడు. చేసుకున్నవాడికి చేసుకొన్నంత మహాదేవా అని అన్నట్టుగా.

శ్రీ శ్రీ శ్రీ ఆది శంకరాచార్యుల వారు ఆ పరమేశ్వరుడిని శరణు కోరగా స్వామి వారు ప్రత్యక్షమై ఐయిదు స్పటిక లింగాలు ప్రసాదించి వాటికి చంద్రమౌళీశ్వరుడు అని నామకరణం చేసి ఇవ్వడం జరిగింది. వాటికీ మరల ముక్తిలింగం,వరలింగం, మోక్షలింగం,యోగలింగం, భోగలింగం అనే పేర్లు తో ప్రతిష్ట చేశారు. శృంగేరిపీఠంలో ప్రదోషకాలమున శ్రీ భోగ లింగేశ్వరుడికి నిత్య అభిషేకాలు జరుగుతాయి.

ఆ స్వామి పేరు తో నే మేము ట్రస్ట్ ఏర్పాటు చేసినాము ఈ రూపేణానైనా స్వామి వారి పేరు పలు మాట్లు ఉచ్చారణ జరిగేలా ఉంటుందని మా ఆకాంక్ష. అందుకే సకల యోగ, భోగాలను తీర్చే ఆ పరమేశ్వరుడు పేరున భోగ లింగేశ్వర పంచాయతన ఆలయం ఎక్కడా లేనందువల్ల మన రాజమహేంద్రవరమున ఈ ఆలయం కట్టడానికి ఆ పరమేశ్వర సంకల్పంతో శ్రీకారం చుట్టడం జరిగింది.